Futbol bo‘yicha JCH—2022 ochilish o‘yinida Qatar va Ekvador terma jamoalari 20-noyabr, yakshanba kuni o‘zaro to‘qnash keldi.
Uchrashuvning 3-daqiqasidayoq ekvadorliklar hisobni ochgandi, biroq Ennar Valensiyaning goli ofsayd sabab inobatga olinmadi. 16-daqiqada Janubiy Amerika vakillari penalti ishlab oldi va uni Valensiya golga aylantirdi.
31-daqiqada Ennar dublni rasmiylashtirib, hisobni ishonchli ko‘rinishga keltirdi. Ikkinchi bo‘limda darvozalar daxlsiz qoldi.
Shu tariqa Ekvador JCH—2022 ning dastlabki o‘yinida g‘alaba qozonib, uch ochkoga ega bo‘ldi. Guruhning ikkinchi o‘yini Niderlandiya va Senegal terma jamoalari o‘rtasida kechadi. Uchrashuv 21-noyabr kuni bo‘lib o‘tadi.
JCH—2022
1-tur bahsi
20-noyabr, yakshanba
Qatar — Ekvador 0:2
Gollar: 0:1 – 16, penalti Valensiya, 0:2 – 31 Valensiya.Qatar: Ash-Sheb, Ro-Ro, Xuxi, Hassan, ar-Rovi, Ahmed, Hatem, Budiaf, al-Haydos (Abdulvahob, 71), Ali (Muntari, 72), Afif.
Ekvador: Galindes, Presiado, Torres, Inkapie, Estupinyan, Plata, Ibarra (Sarmiyento, 68), Mendes, Kaysedo (Franko, 90), Valensiya (Sifuentes, 77), Estrada (Rodriges, 90).
Ogohlantirishlar: Ash-Sheb (15), Ali (22), Kaysedo (29), Budiaf (36), Mendes (56), Afif (78).
Izoh (0)