AQSHning sobiq prezidenti Donald Tramp 2019-yil 30-avgustda Twitter’da Eronda muvaffaqiyatsiz uchirilgan raketaning sun’iy yo‘ldoshdan olingan suratini noqonuniy ravishda joylashtirgani aniqlandi. Bu haqda Al Mayadeen xabar berdi.
Rasmda uchirish maydonchasida portlagan raketa aks etgan. Tramp bu tasvirni AQShning voqeaga aloqador emasligini isbotlash uchun joylashtirgan.
“AQSH Erondagi Semnan Launch Site One maydonida Safir Launch raketasining halokatga uchrashiga aloqador bo‘lmagan. Eronga ezgu tilaklar va Site One'dagi voqealarni aniqlashda omad tilayman”, — deb yozgandi Tramp.
Tasvir yuqori aniqlikdaligi uchun ba’zi mutaxassislar u sun‘iy yo‘ldoshdan olinmaganini prognoz qilgan.
“Rasmda juda ko‘p detallar aks etgan. U dron yoki boshqa qurilma orqali suratga olingan bo‘lsa kerak, deb o‘yladim. AQShning butun razvedka hamjamiyati bu ma’lumotni ochiqlashni istamaydi. Prezident suratni tvit qiladi degan fikrni qabul qilish juda qiyin”, — deydi Kaliforniyadagi Midlberi xalqaro tadqiqotlar institutida sun’iy yo‘ldosh tasvirlarini o‘rganuvchi Jefri Lyuis.
“Sobiq prezident Trampning harakati o‘ziga xos ehtiyotsizligini va u qo‘lga kiritgan razvedka ma’lumotlariga nisbatan hurmatsizlikni tasdiqlaydi”, — deydi Amerika olimlari federatsiyasining maxfiylik va tasniflash bo‘yicha mutaxassisi Stiven Aftergud.
“Men bu odamga maxfiy ma’lumotlarni aytmagan bo‘lardim. U yana maxfiy ma’lumotlarga kirish imkoniyatiga ega bo‘lishi mumkin degan fikr asabiylashtirmoqda”, dedi Lyuis.
Eslatib o‘tamiz, AQSH sobiq prezidenti Donald Trampning Twitter’dagi akkaunti 2021-yilda bloklangandi. Ilon Mask siyosatchining akkauntini qayta ishga tushirish bo‘yicha Twitter’dagi so‘rovnoma ortidan Trampning akkauntini tikladi.
Izoh (0)