Irlandiya parlamentining xalqaro aloqalar va mudofaa qo‘mitasi Rossiya elchixonasiga aloqador amaldorlarni mamlakatdan chiqarib yuborishga chaqirdi. Bu haqda “RIA Novosti” xabar berdi.
Mazkur chaqiriq Rossiyaning Irlandiya vazirlari, parlament a’zolari va boshqa mansabdor shaxslarga qarshi e’lon qilingan sanksiyalariga javob ekani ta‘kidlangan.
“Irlandiya parlamenti Rossiyaning mamlakatdagi elchixonasi bilan bog‘liq bo'lgan bir qator amaldorlar va xodimlarni yurisdiksiyadan chiqarib yuborishga chaqiradi. Elchixona xodimlari Irlandiyaning Moskvadagi elchixonasi xodimlari soni bilan mos kelishi kerak”, — deyiladi murojaatda.
Rossiya TIV Irlandiya rahbariyatining 52 nafar vakili va siyosiy arboblarini sanksiyalar ro‘yxatiga kiritgandi. Bunga sabab qilib hukumatning Moskvaga qarshi pozitsiyasi keltirib o‘tilgan. Rossiyaga kirishi taqiqlanganlar qatoridan Irlandiya fuqarolari ro‘yxatiga bosh vazir, tashqi ishlar, mudofaa, adliya, moliya vazirlari va bir qator senatorlar hamda parlament quyi palatasi deputatlari o‘rin olgan.
11-noyabr kuni AQSHning 200 nafar fuqarosiga qarshi shaxsiy sanksiyalar joriy qilgandi. Ular orasida Oq uy rahbari Jo Baydenning singlisi va ukalari, Oq uy matbuot kotibi, AQSH mudofaa vaziri o‘rinbosari, ta’lim vaziri, senatorlar va ularning rafiqalari, jurnalist hamda professorlar ham bor.
Izoh (0)