Oq uy Xitoyni Shimoliy Koreya raketa uchirishini to‘xtatish uchun unga ta’sir o‘tkazishga chaqirdi. Bu haqda AQSH ma’muriyatiga tayanib, “RIA Novosti” xabar berdi.
“Biz Xitoy bilan bu masala bo‘yicha muntazam aloqadamiz. Pekin bunda muhim rol o‘ynashi mumkinligiga ishonamiz. Shuning uchun bu masalani BMT Xavfsizlik Kengashiga olib chiqmoqdamiz", deyiladi xabarda.
Vashingtonga ko‘ra, Pekin Shimoliy Koreyani raketa uchirilishidan voz kechishga ko‘ndirish orqali o‘z ta’siridan foydalanishi mumkin, AQSH buni “beqarorlashtiruvchi harakatlar” deb biladi.
2022-yil boshidan buyon Shimoliy Koreya 34 ta raketa uchirdi. Ularning deyarli yarmi, ya’ni 15 tasi 25-sentabrgacha bo‘lgan davrga to‘g‘ri keladi. Bundan tashqari, “Xvason-12” tipidagi o‘rta masofaga mo‘ljallangan ballistik raketa uchirildi, u Yaponiya uzra uchib, Shimoliy Koreya uchun uchun rekord hisoblangan 4500 kilometr masofani bosib o‘tgan. Parvoz balandligi esa 1000 kilometrni tashkil qilgan.
Ma’lumot uchun, Shimoliy Koreya 17-noyabr kuni ham raketa uchirdi, u Yaponiyaning Xokkaydo oroli yaqiniga kelib tushdi. Mazkur ma’lumot Yaponiya Mudofaa vazirligi tomonidan e’lon qilindi.
Izoh (0)