Ирландия парламентининг халқаро алоқалар ва мудофаа қўмитаси Россия элчихонасига алоқадор амалдорларни мамлакатдан чиқариб юборишга чақирди. Бу ҳақда «РИА Новости» хабар берди.
Мазкур чақириқ Россиянинг Ирландия вазирлари, парламент аъзолари ва бошқа мансабдор шахсларга қарши эълон қилинган санкцияларига жавоб экани таъкидланган.
«Ирландия парламенти Россиянинг мамлакатдаги элчихонаси билан боғлиқ бўлган бир қатор амалдорлар ва ходимларни юрисдиксиядан чиқариб юборишга чақиради. Элчихона ходимлари Ирландиянинг Москвадаги элчихонаси ходимлари сони билан мос келиши керак», — дейилади мурожаатда.
Россия ТИВ Ирландия раҳбариятининг 52 нафар вакили ва сиёсий арбобларини санкциялар рўйхатига киритганди. Бунга сабаб қилиб ҳукуматнинг Москвага қарши позицияси келтириб ўтилган. Россияга кириши тақиқланганлар қаторидан Ирландия фуқаролари рўйхатига бош вазир, ташқи ишлар, мудофаа, адлия, молия вазирлари ва бир қатор сенаторлар ҳамда парламент қуйи палатаси депутатлари ўрин олган.
11 ноябрь куни АҚШнинг 200 нафар фуқаросига қарши шахсий санкциялар жорий қилганди. Улар орасида Оқ уй раҳбари Жо Байденнинг синглиси ва укалари, Оқ уй матбуот котиби, АҚШ мудофаа вазири ўринбосари, таълим вазири, сенаторлар ва уларнинг рафиқалари, журналист ҳамда профессорлар ҳам бор.
Изоҳ (0)