Ijtimoiy tarmoqlarda Farg‘ona viloyati Qo‘shtepa tumanidagi 9-sonli maktabgacha ta’lim tashkilotining tarbiyalanuvchilari orasida ovqatdan zaharlanish holati qayd etilgani to‘g‘risida xabarlar tarqaldi. Viloyat Maktabgacha ta’lim boshqarmasi holatga munosabat bildirdi.
Qayd etilishicha, Qo‘shtepa tumanidagi 9-maktabgacha ta’lim muassasasida bugungi kunda 120 nafar bolalar tarbiyalanadi. Joriy yilning 16 va 17-noyabr kunlari tuman tibbiyot birlashmasi yuqumli kasalliklar bo‘limiga shu bog‘chaning 8 nafar tarbiyalanuvchisi ko‘ngil aynishi, qayt qilish, ich ketishi va tana haroratining ko‘tarilishi shikoyatlari bilan murojaat qilgan. Shifokorlar ko‘rigidan so‘ng ularga oshqozon ichak faoliyatining buzilishi birlamchi tashxisi qo‘yilib, shifoxonaga yotqizilgan.
Surishtiruv davomida bir kuni oldin bolalar bog‘chasida sut qo‘shilgan suli yormasi iste’mol qilish oqibatida bolalarda ovqat hazm qilish jarayonining buzilishi ro‘y bergani aniqlangan.
Shifoxonada bemor bolalarga malakali tibbiy xizmat ko‘rsatilgan, tegishli laboratoriya tahlillari uchun namunalar olingan.
“Hozirda o‘tkazilgan muolajalardan keyin bolalarning ahvoli qoniqarli. Ularda ovqatdan zaharlanish alomatlari yo‘q”, — deyiladi xabarda.
Holat yuzasidan mutaxassislar tekshiruv-surishtiruv ishlarini o‘tkazmoqda
Izoh (0)