Xitoyda uylar narxi yetti yillik eng past darajaga tushdi

Xitoy Milliy statistika byurosi ma’lumotlariga ko‘ra, yangi uylar narxi oktabr oyida 1,5 foizga arzonlashdi. Bu haqda “Kommersant” xabar bermoqda. 

Oktabr oyida narxlarning pasayishi 2015-yil avgustidan beri eng yuqori ko‘rsatkich bo‘ldi. Narxlar indeksi Xitoyning 70 ta yirik shaharlari ma’lumotlari asosida hisoblanadi.

Xitoyda qurilish sohasi davlat tomonidan faol qo‘llab-quvvatlanayotganiga qaramay, COVID-19 bilan bog‘liq uzoq muddatli cheklovlar tufayli narxlar pasayishda davom etmoqda. 

Mutaxassislarning qayd etishicha, ko‘chmas mulk sektoriga talab va investitsiyalar pasayib bormoqda, shuning uchun ham foyda investorlar kutganidek bo‘lmayapti. 

Centaline ko‘chmas mulk agentligining bosh tahlilchisi Chan Davey Xitoy ko‘chmas mulk bozori to‘rtinchi chorakda ham pasayishiga ishonishini ma’lum qilgan.

Uy-joy qurilishi bozorini inqirozdan qutqarish uchun Xitoy hukumati allaqachon 16 banddan iborat rejani taklif qilgan. 

Ular orasida ipoteka stavkalarini pasaytirish, kreditni to‘lash muddatlarini uzaytirish va ayrim xaridorlar uchun shaxsiy daromad solig‘ini bekor qilish kiradi. 

Shunga qaramay, ko‘plab tahlilchilarning fikricha, choralar talabni zaiflashtirishga qaratilmagani uchun yetarlicha samarali bo‘lmaydi.

Mavzuga doir: 

• Keskin o‘sishdan so‘ng O‘zbekiston ko‘chmas mulk bozoridagi sotuvlar pasaydi
• Sentabrda O‘zbekistondagi eski uylar narxi qanday o‘zgargani tahlil qilindi