Vengriya tashqi ishlar vaziri Peter Siyartoning ma’lum qilishicha, “Drujba” quvuri orqali neft yetkazib berish qayta tiklangan. Hozirgacha past bosim ostida neft quyilib, quvurda texnik ishlar olib borilmoqda. Bu haqda “Kommersant” xabar berdi.
Texnik ishlar yakunlandi va past bosim ostida “Drujba” quvuri orqali Vengriyaga xom neft yetkazib berish ayni damda tiklandi, — dedi Piter Siyarto Belgraddagi matbuot anjumanida.
Uning so‘zlariga ko‘ra, to‘liq normal bosim ostida ta’minotni tiklashni ta’minlash uchun quvur liniyasida texnik ishlar olib borilmoqda.
Vengriyaning eng yirik neft-gaz kompaniyasi MOL Vengriyaga neft quyishning to‘xtatilishiga Belarus-Ukraina chegarasi yaqinidagi transformator stansiyasining Rossiya artilleriyasi tomonidan o‘qqa tutilishi sabab bo‘lganini ma’lum qildi.
U neft quvurining nasos stansiyasini elektr energiyasi bilan ta’minladi. Neft tashishning to‘xtatilishi munosabati bilan Vengriya bosh vaziri Viktor Orban Xavfsizlik kengashining shoshilinch yig‘ilishini chaqirdi. Peter Siyartoning aytishicha, transformator stansiyasini ta’mirlash qiyin emas.
15-noyabr kuni “Transneft” Ukrainada kuchlanish pasayishi tufayli Vengriya tomon neft quyishni to‘xtatgani haqida xabar bergandi. Chexiya va Slovakiyaga neft yetkazib berish ham to‘xtatilgan.
Avvalroq Turkiya Yevropani gaz bilan ta’minlamoqchi ekani haqida xabar berilgan edi.
Izoh (0)