JPMorgan молиявий хизматлар ҳолдинги Хитойнинг 2022—2023 йилларга мўлжалланган иқтисодий ўсиш прогнозларини пасайтирди. Бу ҳақда «Интерфакс» хабар бермоқда.
Шунингдек, ҳолдинг мамлакатда COVID-19 ҳолатларининг кўпайишининг яна бир тўлқини ва ички фаолликнинг сезиларли даражада заифлашишини қайд этди.
Хитойнинг 2022 йил учун ЯИМ ўсиши прогнози JPMorgan томонидан 3,1 фоиздан 2,9 фоизга, 2023 йил учун эса 4,5 фоиздан 4 фоизга туширилди.
Биз Хитой иқтисодиётининг дунёга босқичма-босқич қайта очилиши 2023 йилнинг баҳорида бошланишини тахмин қилмоқдамиз, — деди таҳлилчилар шарҳда.
Маълумотларга кўра, жорий йилнинг учинчи чорагида Хитой иқтисодиёти йиллик ҳисобда 3,9 фоизга ошди.
Биринчи уч чоракда ўсиш 3 фоизни ташкил этганди. Россия ва Хитой ўртасидаги товар айирбошлаш 9 ой ичида 32,5 фоизга ўсиб, 136,1 миллиард долларни ташкил этди.
Рақамлар таҳлилчилар прогнозларидан яхшироқ бўлиб чиқди. Экспертлар ўсиш кўрсаткичини 3,4 фоиз бўлишини кутган эди.
Хитойнинг ташқи савдо айланмаси январь—сентябрь ойларида 4,75 триллион долларни ташкил этиб, 8,7 фоизга ўсди. Хитой божхона хизмати маълумотларига кўра, экспорт 12,5 фоизга, импорт 4,1 фоизга ошган.
Аввалроқ Россия иқтисодиётининг Хитойга қарамлиги вақт ўтиши билан кучайиши ҳақида хабар берилганди.
Изоҳ (0)