Ukraina xavfsizlik xizmati Checheniston rahbari Ramzan Qodirovni qidiruvga berdi. Bu haqda “RIA Novosti” xabar berdi.
Qodirov Ukraina jinoyat kodeksiga ko‘ra, 10 yildan 15 yilgacha ozodlikdan mahrum qilishni nazarda tutuvchi ikki modda, ya’ni tajovuzkor urush yoki agressiv harbiy harakatlar bo‘yicha ayblanmoqda.
Avgust oyida Ukraina xavfsizlik xizmati Checheniston rahbari Ramzan Qodirov va uning yordamchilariga harbiy jinoyatlarda ayblov qo‘ygandi. Ukraina razvedkasi 2022-yil fevral-mart oylarida Qodirov Milliy gvardiya chechen bo‘linmalarining alohida harbiy amaliyotlarini ishlab chiqish va rejalashtirishni shaxsan o‘zi nazorat qilgani, buyruqlar bergani, ularning rahbarlaridan hisobot qabul qilganini ochiqlagan.
Tergovchilar Qodirovni tajovuzkor urushga tayyorgarlik ko‘rish va uni boshlash, Ukraina chegaralarini o‘zgartirish bo‘yicha harakatlarni amalga oshirish, shuningdek, Rossiyaning Ukrainaga qarshi harbiy tajovuzini oqlashda gumon qilmoqda. Martinov va Mejidov urushga oid qonunlarni buzganlikda, harbiy asirlarga yoki tinch aholiga nisbatan shafqatsiz munosabatda bo‘lganlikda ayblanmoqda.
“RIA Novosti”ga ko‘ra, Checheniston rahbari Ukraina xavfsizlik xizmati tomonidan qidiruvga berilgan birinchi rossiyalik siyosatchi emas. Xususan Rossiya TIV rasmiy vakili Mariya Zaxarova Ukraina hududiy yaxlitligiga tajovuz qilishda ayblangan. Rossiya Xavfsizlik kengashi raisi o‘rinbosari Dmitriy Medvedev va boshqa qator rasmiylar ham qidiruvga berilgan.
Izoh (0)