Жорий йилнинг октябрь ойида банк ҳисоб варақалари бўйича операциялар ва товар-хом ашё биржасидаги фаоллик қандай ўзгаргани таҳлил қилинди. Бу ҳақда «Дарё»га Иқтисодий тадқиқотлар ва ислоҳотлар маркази хабар берди.
2022 йил октябрь ойида банклараро тўлов операциялари сони 5,7 миллионтани ташкил этди ва сентябрь ойига нисбатан 191,8 минг транзакцияга (3,5 фоиз) ошди. Бу кўрсаткич барча 13 та ҳудудда ўсган.
2022 йил октябрда мамлакатнинг 13 та ҳудудида юридик шахслар ўртасидаги банк операциялари сони ўтган ойга нисбатан ошган.
Сезиларли даражадаги ўсиш Жиззах (17,1 фоиз), Сирдарё (13,3 фоиз), Бухоро (13 фоиз), Қашқадарё (12,6 фоиз) ва Навоий (11,6 фоиз) вилоятларида кузатилган. Фарғона вилоятида эса 0,8 фоизга мўътадил даражадаги камайиш юз берган.
Товар-хом ашё биржасидаги фаоллик
2022 йилнинг октябрь ойида ишбилармонлик фаоллиги индексининг биржа компоненти 1,0010 бирликни ташкил этди.
Бу эса, ушбу компонентнинг ўтган ойга нисбатан 0,1 фоизга ошганлигини англатиб, битимлар сонининг (1,3 фоиз) ошгани билан изоҳланади.
Шу билан бирга ҳар бир битим бўйича сотиб олинган товарлар ўртача ҳажми 1,1 фоизга камайган.
Биржада товарлар савдосининг умумий айланмаси ҳажми 2022 йил октябрь ойида 6,4 трлн сўмни ташкил этиб, ушбу кўрсаткич ўтган ойга нисбатан 2,1 фоизга камайган.
Изоҳ (0)