Germaniyaning Xaydelberg shahrida IT Park vakolatxonasi ochildi. Bu haqda Axborot texnologiyalari va kommunikatsiyalarini rivojlantirish vazirligi xabar bermoqda.
Vazirlikning delegatsiya a’zolari ushbu IT Park vakolatxonasining rasmiy ochilish marosimida ishtirok etdi. Shuningdek, mazkur tadbirda 20 ga yaqin Germaniyaning IT loyiha va yechimlarni buyurtmachilari sifatidagi kompaniyalar rahbarlari ham qatnashdi.
Tadbir doirasida IT Park rezidentlariga yaratilgan sharoitlar va preferensiyalar bilan tadbir ishtirokchilari tanishtirildi.
IT Park’ning Venkon Group, Zuccotech, Realsoft, Rebochain technology, “Soft Legion” rezident korxonalari tomonidan IT sohasidagi o‘zlarining faoliyati bo‘yicha taqdimotlar o‘tkazildi.
Uchrashuv so‘ngida BPO xizmatlarini O‘zbekistonga autsors qilishda hamkorlik qilish, O‘zbekistonni mintaqaviy IT-xabga aylantirish, shuningdek O‘zbekiston va Germaniya o‘rtasida IT sohasida hamkorlikni kuchaytirishga kelishib olindi.
Avvalroq O‘zbekistonda xorijiy IT kompaniyalar soni keskin ko‘payayotgani haqida xabar berilgandi.
Izoh (0)