Ilon Maskning Twitter’da verifikatsiya belgisini oyiga 8 dollarga sotish g‘oyasi ba’zi AQSH kompaniyalariga bozor kapitallashuvini yo‘qotib, milliardlab dollar zarar keltirdi. Bu haqda CNBC xabar bermoqda.
Ijtimoiy tarmoqda soxta korporativ akkauntlar paydo bo‘ldi, ularda soxta ma’lumotlar tarqala boshladi, bu esa aksiyalar qiymatining pasayishiga olib keldi.
O‘tgan payshanba, 10-noyabr kuni, Amerika farmatsevtika kompaniyasi Eli Lilly’ning soxta akkauntida “insulin endi bepul” deb xabar berildi.
Shundan so‘ng, insulin ishlab chiqaruvchi barcha farmatsevtika kompaniyalarining birja kotirovkalari 4-5 foizga tushib ketdi. Eli Lilly’ning o‘zidan tashqari Novo Nordisk va Sanofi ham jabr ko‘rdi.
11-noyabr kuni Lockheed Martin mudofaa korporatsiyasi uchun soxta akkaunt yaratgan noma’lum foydalanuvchi kompaniya ushbu mamlakatlarda inson huquqlari buzilgani sababli AQSH, Saudiya Arabistoni va Isroilga qurol sotishni to‘xtatayotgani haqida yozdi.
Kompaniya aksiyalarining kotirovkalari shu zahotiyoq 5,5 foizga tushib ketdi, bu mudofaa gigantining bozor kapitallashuvini 7 milliard dollardan ko‘proqqa qisqartirdi.
Raytheon va General Dynamics kabi boshqa mudofaa kompaniyalarining qimmatbaho qog‘ozlari ham arzonlashdi.
Shu kuni, 11-noyabrda boshlangan noroziliklar natijasida Ilon Mask verifikatsiya belgisini pulga sotish amaliyotini to‘xtatishga qaror qildi.
Izoh (0)