Joriy yilning oktabr oyida faoliyat yuritayotgan korxonalar va brendlarni ro‘yxatga olishda faollik qanday o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar berdi.
Faoliyat yuritayotgan korxonalar bo‘yicha komponent 2022-yil oktabr oyida 1,0101 birlikni tashkil etib, o‘tgan oyga nisbatan 1,0 foizga oshganligini ko‘rsatadi. Ushbu ko‘rsatkich o‘tgan yilning mos davriga nisbatan ham ijobiy o‘zgarib, 9,7 foizga oshgan.
2022-yil oktabr oyida barcha turdagi faoliyat yuritayotgan korxonalar soni 2022-yilning sentyabr oyiga (621 960 birlik) nisbatan 2 947 taga ko‘payib, 624 907 birlikni tashkil etgan.
Yirik tadbirkorlik bilan shug‘ullanuvchi korxonalar soni 24 taga oshgan.
Hisobot davrida, kichik korxonalar soni 509 720 tadan 512 637 tagacha ko‘paygan (o‘sish 2 947 ta).
Fermer xo‘jaliklari soni 108 627 tadan 108 633 tagacha (o‘sish 6 ta) ko‘paygan. Yirik tadbirkorlik bilan shug‘ullanayotgan subyektlar soni 3 637 tani tashkil etib, 2022 yilning sentyabr oyiga nisbatan 24 taga ko‘paygan.
Brendlarni ro‘yxatga olish
2022-yil oktabr oyida savdo belgilari muhofazasi bo‘yicha biznes faolligi indeksi 1,2718 birlikni tashkil etib, ushbu ko‘rsatkich sentyabr oyiga nisbatan 27,2 foizga oshgan.
Joriy yilning oktabr oyida yuridik shaxslar tomonidan 262 ta tovar belgilari va tovar nomlari ro‘yxatga olingan.
Izoh (0)