Германиянинг Хайделберг шаҳрида IT Park ваколатхонаси очилди. Бу ҳақда Ахборот технологиялари ва коммуникацияларини ривожлантириш вазирлиги хабар бермоқда.
Вазирликнинг делегация аъзолари ушбу IT Park ваколатхонасининг расмий очилиш маросимида иштирок этди. Шунингдек, мазкур тадбирда 20 га яқин Германиянинг IT лойиҳа ва ечимларни буюртмачилари сифатидаги компаниялар раҳбарлари ҳам қатнашди.
Тадбир доирасида IT Park резидентларига яратилган шароитлар ва преференциялар билан тадбир иштирокчилари таништирилди.
IT Park’нинг Venkon Group, Zuccotech, Realsoft, Rebochain technology, Soft Legion резидент корхоналари томонидан IT соҳасидаги ўзларининг фаолияти бўйича тақдимотлар ўтказилди.
Учрашув сўнгида BPO хизматларини Ўзбекистонга ауцорс қилишда ҳамкорлик қилиш, Ўзбекистонни минтақавий IT-хабга айлантириш, шунингдек Ўзбекистон ва Германия ўртасида IT соҳасида ҳамкорликни кучайтиришга келишиб олинди.
Аввалроқ Ўзбекистонда хорижий IT компаниялар сони кескин кўпаяётгани ҳақида хабар берилганди.
Изоҳ (0)