O‘zbekistonda quyosh fotoelektr stansiyalarini qurish uchun 4 ta xorijiy kompaniyadan taklif tushdi

O‘zbekistonda 500 MVt bo‘lgan 3 ta quyosh fotoelektr stansiyasini qurish uchun 4 ta xorijiy kompaniyadan taklif kelib tushdi. Bu haqda “Dunyo” agentligi xabar bermoqda.

O‘zbekistonda umumiy quvvati 500 MVt bo‘lgan 3 ta quyosh fotoelektr stansiyasini qurish va ishlatish uchun mustaqil energiya ishlab chiqaruvchilarni tanlash bo‘yicha e’lon qilingan. Takliflar so‘roviga javoban 4 ta kompaniya va konsorsiumdan takliflar kelib tushdi.

Energetika vazirligidan olingan ma’lumotga ko‘ra, Buxoro viloyatida 250 MVt, Namangan viloyatida 150 MV va Xorazm viloyatida 100 MVt quyosh fotoelektr stansiyalarini qurish va ulardan foydalanish bo‘yicha takliflar olindi.

G‘olib bo‘lgan investor quyosh fotoelektr stansiyasini loyihalash, moliyalashtirish, ishlatish, saqlash va shartnoma muddati oxirida stansiyani topshirish yoki buzib berishni amalga oshiradi.

Buxoro viloyatidagi loyiha uchun tanlov ishtirokchilari 63 MVtdan jami 125 MVt soat elektr energiyasi bera oladigan kimyoviy energiya saqlash akkumlyator tizimini (BЕSS) qurish bo‘yicha ham o‘z takliflarini taqdim etishgan.

Tenderning ikkinchi bosqichi shunday tuzilganki, eng yirik loyiha g‘olibi (Buxoro viloyatida 250 MVt) Namangan va Xorazm viloyatlaridagi qolgan ikkita loyiha bo‘yicha tenderda qatnasha olmaydi va xuddi shunday, Namangandagi loyiha g‘olibi Xorazmdagi loyiha tenderida ishtirok etolmaydi.

Tenderning birinchi bosqichida belgilangan kompaniyalar ularning texnik, moliyaviy va tajribalarga qarab kompaniyalar tanlangan va shu talablariga qarab ular loyihalarda tenderda ishtirok etishga ruxsat olgan.

Ayrim yirik kompaniyalar uchchala loyiha tenderlarida qantasha oladi. O‘rtacha deb topilgan kompaniyalar faqat o‘rta va kichik loyiha tenderida ishtirok eta oladi, lekin Buxoro viloyatidagi yirik stansiya loyihasi uchun tenderda ishtirok eta olmaydi.

Tajribasi, texnik va moliyaviy imkoni kamroq kompaniyalar faqat Xorazmdagi loyiha tenderida ishtirok etadi.

Tenderda:

• Abu Dhabi Future Energy Company — Masdar (BAA) — yirik ishtirokchi — barcha 3 ta loyihaga;
• Alarko Holding AS (Turkiya) — o‘rta ishtirokchi — faqat Namangan va Xorazm viloyatlaridagi loyihalarga,
• Konsorsium: GD Power (Xitoy) va Powerchina (Xitoy) — yirik ishtirokchi — barcha 3 ta loyihaga;
• Voltalia SA (Fransiya) kichik ishtirokchi — faqat Xorazm viloyatidagi loyihaga taklif bergan.

Takliflarning texnik va tijorat qismi baholanganidan so‘ng, Tender komissiyasi ishtirokchilarni ularning moliyaviy takliflarini ochish marosimiga taklif qiladi.