YUNESKOning Shavkat Mirziyoyev ishtirokidagi Butunjahon konferensiyasi ochilish marosimi — suratlarda

Bugun prezident Shavkat Mirziyoyev Toshkent shahrida o‘tayotgan YUNESKOning Kichik yoshdagi bolalarni tarbiyalash va ta’lim berishga bag‘ishlangan Butunjahon konferensiyasi ochilishida ishtirok etib, nutq so‘zladi.

Prezidentning aytishicha, hozirgi vaqtda O‘zbekistonda 10 mingdan ortiq o‘rta ta’lim maktablari faoliyat ko‘rsatmoqda.

“So‘nggi yillarda oliy o‘quv muassasalari soni qariyb 2,5 barobar ko‘payib, 186 taga yetdi. Ularning 31 tasi dunyodagi yetakchi universitet va institutlarning filiallaridir. Oliygohlarga qabul kvotasi 3,5 barobarga ortganini, oliy ta’lim qamrovi esa 9 foizdan 38 foizgacha oshganini qayd etish lozim”, — deydi prezident.

Davlat rahbari maktabgacha ta’lim va maktab ta’limi, oliy ta’lim tizimi hamda ilmiy-madaniy muassasalarni bo‘lg‘usi Renessansning to‘rt uzviy halqasi, deb bilishini ta’kidladi.

“Daryo” muxbiri mazkur konferensiya ochilish marosimidan fotoreportaj tayyorladi.