Ijtimoiy tarmoqlarda Toshkentning Yunusobod tumanida joylashgan 7-sonli klinik kasalxonada 13-noyabr kuni soat 13:00 dan 19:40 gacha elektr energiyasidan uzilgani haqida xabarlar tarqaldi. “Toshkent shahar elektr tarmoqlari korxonasi” holatga munosabat bildirdi.
Korxona mutasaddilari tomonidan ushbu muammo yuzasidan o‘tazilgan o‘rganish natijalarida aniqlanishicha, tuman hududida joylashgan 35/6 kV bo‘lgan yuqori kuchlanishli “Sokin” podstansiyasidan chiquvchi RP “Geolog” taqsimlash punktidan ta’minlanuvchi quvvati 6 kV bo‘lgan yuqori kuchlanishli yer ostidan o‘tgan elektr uzatish kabel tarmog‘ining shikastlanishi natijasida avariya holati yuzaga kelgan.
Natijada 35/6 kV bo‘lgan yuqori kuchlanishli “Sokin” podstansiyasi orqali elektr energiyasi bilan ta‘minlanuvchi Yunusobod tumanidagi 7-sonli klinik kasalxona binosi elektr energiyasi ta’minotida vaqtinchalik uzilish sodir bo‘lgan.
“Shu vaqtning o‘zidayoq “Toshkent shahar elektr tarmoqlari korxonasi” AJ tizimidagi Yunusobod tuman elektr ta’minoti korxonasining yuqori kuchlanishdagi avariya holatlarini barataraf etish maxsus tezkor ishchi guruhi tomonidan tezkorlik bilan kasalxona binosi hududiga yuqori kuchlanishli dizel generatori o‘rnarilib, kasalxona vaqtinchalik elektr energiyasi bilan ta’minlangan holda ta’mirlash ishlari olib borildi hamda soat 19:20 da yuzaga kelgan avariyaviy holati to‘liq bartaraf etilib, hududda elektr ta’minoti bilan qayta tiklandi”, — deyiladi xabarda.
Mavzuga doir:
- O‘zbekiston energotizimida og‘ir oqibatli “avariya” – blekaut xavfi borligi ma’lum qilindi
- “Har kuni elektr energiyasini tejash kunini nishonlayapmiz”. Namanganliklar Energetika vazirligidan hafsalasi pir bo‘lganini aytmoqda (video)
- “Simyog‘ochlar qulab tushib, tok urish xavfi bor, yo‘llar abgor”. Andijonning Buloqboshi tumanida yashovchi aholi muammolar girdobida yashamoqda
Izoh (0)