Rossiya prezidenti Vladimir Putin chet elliklarning Rossiya Qurolli kuchlarida xizmat qilishi to‘g‘risidagi farmonni imzoladi. Rossiya huquqiy axborot portalida tegishli hujjat e’lon qilindi.
Farmonga ko‘ra, chet el fuqaroligiga ega bo‘lgan shaxslarga muddatli harbiy xizmatni o‘tashga shartnoma asosida ham ruxsat etiladi. Hujjatda sudlangan, hukm qilingan yoki tergov ostidagi chet el fuqarosi bilan shartnoma tuzish mumkin emasligi belgilangan. Ikkinchi fuqarolikka ega bo‘lgan rossiyaliklar ham harbiy xizmatga chaqiriladi.
“Harbiy xizmatni o‘tash Rossiya fuqarolari bo‘lgan, shu jumladan, xorijiy davlat fuqaroligi yoki yashash uchun ruxsatnomasi bo‘lgan askarlar, matroslar, serjantlar, brigadirlar tomonidan amalga oshiriladi. Fuqaroning xorijiy davlat hududida bo‘lishini tasdiqlovchi boshqa hujjat ixtiyoriy va Rossiya Qurolli kuchlari hamda harbiy tuzilmalarida shartnoma bo‘yicha harbiy xizmatga chaqirish yo‘li bilan amalga oshiriladi.
Farmon imzolangan kundan boshlab — 14-noyabrdan kuchga kirdi.
Ma’lumot uchun, Rossiyada harbiy xizmat muddatini ikki yilga oshirish taklifi muhokama qilinmoqda. Bu texnika takomillashib, dunyo olg‘a borayotgani, Qurolli kuchlarga yangi tizimlar, yangi komplekslar kiritilayotgani, ularni esa bir yilda o‘zlashtirib bo‘lmasligi bilan izohlangan.
Izoh (0)