Buxoro xalqaro aeroporti orqali hududiga pnevmatik qurolni olib kirishga uringan fuqaro bojxona postida to‘xtatib qolindi, deya xabar berdi Buxoro viloyati Bojxona boshqarmasi matbuot xizmati.
Unda aytilishicha, Moskva–Buxoro aviareysi orqali uchib kelgan fuqaro X.J. bojxona nazoratining “yashil yo‘lagi” dan o‘tayotgan paytida shubha uyg‘otganligi sababli, tegishli bojxona nazoratidan o‘tkaziladi.
Natijada, yo‘lovchi bojxona deklarastiyasida yozib ko‘rsatilmagan va og‘zaki so‘rovda ham ma’lum qilmagan “PM49” rusumli pnevmatik sport quroli, mazkur qurolning gaz baloni va 500 dona metall sharikli o‘qlari borligi aniqlangan.
Hozirda mazkur holat yuzasidan tergovga qadar tekshiruv ishlari olib borilmoqda.
Eslatib o‘tamiz, O‘zbekiston Respublikasining “Qurol to‘g‘risida”gi qonuniga muvofiq, qurol va uning o‘q-dorilari muomalasiga belgilangan cheklovlar mavjudligi sababli, bojxona organlari chegara orqali mazkur vostialar harakatlanishi ustidan ham bevosita nazoratni amalga oshiradi.
Izoh (0)