“Daryo” Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 6-son mavzusi “Mahalla, deputat, hokimiyat — o‘zaro aloqa tizimi” bo‘lib, dastur mehmoni sifatida deputat Nuriddin Zaynitdinov taklif etildi.
Nuriddin Zaynitdinovning fikricha, qonunchilikda hammaning elementar funksiyasi, vazifasi bor. Agar har bitta bo‘g‘inda (mahalla raisi, deputat, hokimiyat vakili, hokim yordamchisi, yoshlar yetakchisi, ayollar bo‘yicha faol, kim bo‘lishidan qat’i nazar) hamma o‘z vazifasini vijdonan bajarsa, mahalladagi hech qaysi muammo tashqariga chiqmaydi, shu joyning o‘zida hal qilinadi, portallarga ariza bilan yozilmaydi. Masalalarni mahallaning o‘zidan boshlab hal qilish kerak.
Lekin bizda unaqa emas. Amaliyotda ko‘radigan bo‘lsak, odamlar arzimagan muammosi bilan ham yuqori tashkilotlarga arz qilaveradi. O‘zi arzimagan muammo, shundoq hal qilsa bo‘ladi. Yo‘q, u ariza yozadi, murojaatning ketidan 10 ta odam ovora bo‘ladi, uni yopaman, hal qilaman deb, vaqti ketadi. Masala yechilmasa, anavi murojaatchi yana yozadi.Bir xil xodimlarning ish vaqti faqat mana shunday murojaatlarni yopish bilan o‘tib ketadi. Ko‘p vaqti ketib qolyapti, — deydi deputat.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)