Belarus Milliy assambleyasi Vakillar palatasi deputatlari amnistiya to‘g‘risidagi qonunni ikki o‘qishda qabul qildi, deb xabar bermoqda parlament matbuot xizmati.
BelTA ma’lumotlariga ko‘ra, amnistiya bo‘yicha har xil turdagi jazoni o‘tayotgan 4545 kishini ozod qilish rejalashtirilmoqda. Ular orasida 1600 kishi (shu jumladan o‘n nafar voyaga yetmaganlar) koloniyalardan chiqariladi. Yana 3950 nafar mahkumning jazo muddatini bir yilga qisqartirish ko‘rib chiqilmoqda.
“Qonun loyihasining xususiyatlaridan biri — giyohvand moddalar savdosi bilan bog‘liq moddalar bo‘yicha faqat voyaga yetmaganlarga ikkinchi imkoniyat berishdir”, — dedi qonun loyihasini ishlab chiqishda ishtirok etgan deputat Marina Lenchevskaya Belarus radiosi efirida.
Amnistiya og‘ir va o‘ta og‘ir jinoyatlar, shuningdek, uncha og‘ir bo‘lmagan jinoyatlar toifasiga kiruvchi ayrim jinoyatlar uchun sudlanganlarga nisbatan qo‘llanilmaydi. Bunday shaxslarga nisbatan ozodlikdan mahrum qilish yoki cheklash tarzidagi jazo muddati bir yilga qisqartirilishi rejalashtirilgan.
“Zerkalo” xabariga ko‘ra, deputat Marina Lenchevskaya amnistiya 2020-yilgi namoyishlar ishtirokchilariga taalluqli bo‘lmasligini aytgan. U “Ekstremizm va terrorizm” bilan bog‘liq jinoyatlar uchun sudlanganlarga afv so‘rashni taklif qilgan. Sentabr oyi oxirida Aleksandr Lukashenko amnistiyaga “faqat ayrim” siyosiy mahbuslar kirishini aytgandi.
Mavzuga doir: Belarusda saylovlardan keyingi norozilik namoyishlari boshlanganiga bir yil to‘ldi. Lukashenko raqiblariga nima bo‘ldi?
“Vyasna” inson huquqlari markazi ma’lumotlariga ko‘ra, 10-noyabr holatiga Belarusda 1389 kishi siyosiy mahbus deb tan olingan.
Mavzuga doir:
- Belarus muxolifati yetakchisi Svetlana Tixanovskayaning turmush o‘rtog‘i Sergey Tixanovskiy 18 yilga qamaldi. U 2020-yilda saylovda ishtirok etmoqchi bo‘lgan, biroq yakunda saylovda rafiqasi qatnashgan
- Lukashenko terrorizm uchun o‘lim jazosi haqidagi qonunni imzoladi. Belarusda ushbu modda bo‘yicha muxolifatchilarga ayblov qo‘yilgan
Izoh (0)