Бирлашган Араб Амирликлари ва Миср дунёдаги энг йирик шамол станцияларидан бирини қуришга келишиб олди, деб хабар бермоқда WAM нашри.
БАА президенти Муҳаммад бин Зайд Ал Наҳаён ва Миср президенти Абдулфаттоҳ Халил ас-Сиси дунёдаги энг йирик шамол электр станциясини қуриш бўйича келишувни имзолади.
Станцияни қуриш лойиҳасини ишлаб чиқиш бўйича меморандум БААнинг қайта тикланадиган энергетика компанияси Masdar ва Мисрнинг қайта тикланадиган энергия ишлаб чиқарувчиси Infinity Power ҳамда Hassan Allam Utility ўртасида Миср ҳукумати иштирокида имзоланди. Лойиҳа асосида Мисрда 10 гигаватт қувватга эга шамол станцияси қурилади.
Станцияси қуриб битказилгач, йилига 47 790 гигаватт/соат тоза энергия ишлаб чиқариши ва 23,8 миллион тонна карбонат ангидрид чиқиндиларининг ўрнини қоплаши кутилмоқда, бу Мисрдаги ҳозирги CO2 чиқиндиларининг тахминан 9 фоизига тенг.
Шамол станцияси, шунингдек, Мисрнинг йиллик табиий газ харажатларидан тахминан 5 миллиард доллар тежайди ва 100 минггача иш ўрни яратишга ёрдам беради.
Изоҳ (0)