Nepalda yuz bergan zilzila paytida uy qulab, olti kishi halok bo‘ldi, yana besh kishi jarohat oldi. Bu haqda mahalliy Annapurnapost portali va Nagarik News gazetasi xabar bermoqda.
Gazetaning ta’kidlashicha, qurbonlar orasida besh nafar bola ham bor. Zilzila zonasida boshqa uylar ham zarar ko‘rgan.
Nepal zilzilalarni monitoring qilish va tadqiq qilish milliy markazi saytida aytilishicha, mamlakat g‘arbidagi Doti hududida 4,1 dan 6,6 ballgacha kuchli silkinishlar kuzatilgan. Yevropa O‘rta Yer dengizi seysmologik markazi (EMSC) sayti zilzila magnitudasi 5,6 ni tashkil etgani va 10 kilometr chuqurlikda sodir bo‘lganini xabar qildi.
Osiyoning Ani agentligi ma’lumotlariga ko‘ra, zilzila oqibatidagi yer silkinishlari hatto Hindiston poytaxti Dehlida ham sezilgan. Shahar zilzila episentridan 300 kilometr uzoqlikda joylashgan.
Izoh (0)