Barrimor, Duglas yoki Koppola kabi deyarli bir asrlik yulduzlar sulolalari bor va bunday sulolaga birinchi bo‘lib asos solgan kimdir bo‘lgan va keyinchalik bolalari ularning izidan borishgan. Quyida sevimli aktyorlarimiz farzandlarining karyerasiga baho beramiz.
Milla Yovovichning qizi
Ever Enderson “Qora beva” filmida Natasha rolini ijro etgan. Agar bu filmni ko‘rmagan bo‘lsangiz, yavsiya qilamiz, ketgan vaqtingizga achinmaysiz. U endigina 15 yoshda va allaqachon kino karyerasini muvaffaqiyatli boshlagan.
Riz Uizerspunning o‘g‘li
Bu yozda Riz Uizerspun va Rayan Filippning o‘g‘li 19 yoshli Dikon Filipp Netflix filmida debyut qildi. Intiluvchan aktyorning o‘zi ham hayotdan zavqlanishini tan oldi: “Qilayotgan ishing, ayniqsa, ijodiy darajada e’tirofga sazovor bo‘lsang, har doim yoqimli”.
Silvestr Stallonening qizi
Silvestr Stallonening qizi, 24 yoshli go‘zal Sistin Rouz “Moviy jar 2” filmida Nikol rolida debyut qildi. Shundan so‘ng yosh aktrisa Megan Foks va Bryus Uillis bilan birgalikda “Bug‘doyzordagi yarim tun” trillerida rol ijro etdi.Shuningdek u model sifatida Chanel podiumlarida ham ishtirok etgan.
Liam Nisonning o‘g‘li
Maykl Nison 27 yoshda va u otasi bilan bir necha bor birgalikda o‘ynagan — “Qor tozalovchi”, “Italiyada ishlab chiqarilgan” filmlari shular jumlasidan. Hozirda esa filmlarda yangi familiya ostida rol o‘ynamoqda.
Uma Turmanning qizi
Uma Turmanning qizi “Juda g‘alati ishlar” filmida Robin rolini ijro etgan. Maya Vogue’da ham model bo‘lib ishlagan, shuningdek, u o‘zining musiqiy albomini taqdim etgan.
Xarrison Fordning qizi
32 yoshli Jorjiya Ford hozirgacha bir nechta filmlardagina suratga tushdi, lekin hamma takliflarga rozi bo‘lavermaydi, rollarini tanlaydi — sevgi haqidagi qisqa metrajli film, maktab dramasi kabi.
Viggo Mortensenning o‘g‘li
Genri Mortensen 34 yoshda, u aktyor va rejissor, ammo ko‘p rol o‘ynamagan. Rejissor sifatida u musiqa sanoatiga kirib borish qanchalik qiyinligi haqida hujjatli film suratga olgan.
Saymon Beykerning qizi
Saymon Beykerning qizi otasining izidan borib, “Sara Respublikasi” va “Menga sirlaringni ayt” seriallarida suratga tushib, o‘z muxlislariga ega bo‘ldi. Otasi qizining aktrisa bo‘lish qarorini qo‘llab-quvvatlagan.
Syuzan Sarandonning o‘g‘li
“Oskar” va juda ko‘p mukofotlar sohibasi Syuzan Sarandon iste’dodli o‘g‘ilni ulg‘aytirdi. Mayls 30 yoshda va u bir nechta teleseriallarda, filmlarda va eng muhimi — “Maxfiy materiallar” filmida Dana Skallining o‘smir o‘g‘li Uilyam rolini o‘ynagan.
Jud Louning qizi
San'at va adabiyot ordeni kavaleri, dunyoga mashhur aktyor yaxshi qizni tarbiyaladi — u hozirdan otasini kinodagi muvaffaqiyatlari bilan xursand qilmoqda. U o‘z faoliyatini “Sizga aytmoqchi bo‘lgandim” filmidan boshlagan va bu yil yosh Iris Lou ishtirokida biografik drama chiqdi. Model sifatida Iris Burberry, Marc Jacobs, Lacoste, Calvin Klein va Versace bilan ishlaydi. O‘tgan yili esa u Dior Beaut’ning ambrassadori bo‘ldi.
Tilda Suintonning qizi
Agar ota dramaturg va ona aktrisa bo‘lsa, kinodan voz kechib bo‘larmidi? Onor Suinton-Birn ham shunday qarorga keldi va aktrisalik karyerasini boshladi.
Kerri Fisherning qizi
Billi Lourdes “Barcha zamonlar malikasi Leya”ning yagona qizi. Yosh aktrisa allaqachon bir nechta loyihalarda rol o‘ynagan, ulardan eng muvaffaqiyatlisi “Amerikancha dahshatli hikoya” seriyasidagi roli edi. Ammo muxlislarning haqiqiy zavqiga qizning “Yulduzlar jangi” trilogiyasidagi leytenant Konniks roli sabab bo‘ldi.
Izoh (0)