4-noyabr kuni O‘zbekiston transport vaziri o‘rinbosari Abdusamad Mo‘minov Janubiy Koreya aerokosmik universiteti rektori Xu Xi Yong boshchiligidagi delegatsiya vakillari bilan uchrashdi, deya xabar bermoqda “Dunyo” axborot agentligi.
Qayd etilishicha, uchrashuvda mazkur universitet bilan fuqaro aviatsiyasi sohasida kadrlar tayyorlash va malakasini oshirish yo‘nalishida hamkorlikni yo‘lga qo‘yish masalalari muhokama etilgan.
Abdusamad Mo‘minov mamlakatda aviatsiya bozorini liberallashtirish va raqobatni rivojlantirish maqsadida fuqaro aviatsiyasi tizimida olib borilayotgan islohotlarga to‘xtalib o‘tgan. Ushbu jarayonda esa yuqori malakali mutaxassislarga bo‘lgan talab kun sayin ortib borayotgani va soha uchun professional kadrlarni tayyorlash dolzarb ahamiyatga ega ekanini ta’kidlagan.
O‘z navbatida, Xu Xi Yong fuqaro aviatsiyasi sohasi uchun kadrlar tayyorlash yo‘nalishida o‘zaro hamkorlikda yangi loyihalarni amalga oshirish har ikki tomon uchun ham manfaatli ekanini qayd etgan.
Uchrashuv yakunida tomonlar kelgusida amalga oshiriladigan vazifalarni belgilab olgan.
Izoh (0)