Jizzax viloyatining Forish tumanida ayol va uning ikki nafar farzandi is gazidan zaharlanish oqibatida vafot etgani xabar berilgandi. Viloyat FVB bu ma’lumotni tasdiqladi.
6-noyabr kuni kech soat 19:20 da Jizzax viloyati Favqulodda vaziyatlar boshqarmasiga viloyat Sog‘liqni saqlash boshqarmasi navbatchisi bergan ma’lumotga ko‘ra, Forish tumani Mashrab ko‘chasidagi uyda istiqomat qiluvchi uy bekasi 1988-yilda tug‘ilgan I.G. va o‘g‘illari 2017-yilda tug‘ilgan B.N. va 2012-yilda tug‘ilgan B.B. yashash uyida is gazidan zaharlanish holati bilan vafot etgan.
Bu haqda “Daryo”ga bildirgan qo‘shnining aytishicha, ular ikki kun uy ichida qolib ketgan. “Rahmatlining turmush o‘rtog‘i 10 kun avval Rossiyaga ketgandi. Ular ikki kun uy ichida qolgan. 6-noyabr kuni voqeadan qo‘shnilardan biri xabar topib, mahalla ahli keyin bildik, — degan u.
Izoh (0)