4 ноябрь куни Ўзбекистон транспорт вазири ўринбосари Абдусамад Мўминов Жанубий Корея аэрокосмик университети ректори Ху Хи Ёнг бошчилигидаги делегация вакиллари билан учрашди, дея хабар бермоқда «Дунё» ахборот агентлиги.
Қайд этилишича, учрашувда мазкур университет билан фуқаро авиацияси соҳасида кадрлар тайёрлаш ва малакасини ошириш йўналишида ҳамкорликни йўлга қўйиш масалалари муҳокама этилган.
Абдусамад Мўминов мамлакатда авиация бозорини либераллаштириш ва рақобатни ривожлантириш мақсадида фуқаро авиацияси тизимида олиб борилаётган ислоҳотларга тўхталиб ўтган. Ушбу жараёнда эса юқори малакали мутахассисларга бўлган талаб кун сайин ортиб бораётгани ва соҳа учун профессионал кадрларни тайёрлаш долзарб аҳамиятга эга эканини таъкидлаган.
Ўз навбатида, Ху Хи Ёнг фуқаро авиацияси соҳаси учун кадрлар тайёрлаш йўналишида ўзаро ҳамкорликда янги лойиҳаларни амалга ошириш ҳар икки томон учун ҳам манфаатли эканини қайд этган.
Учрашув якунида томонлар келгусида амалга ошириладиган вазифаларни белгилаб олган.
Изоҳ (0)