Ijtimoiy tarmoqlarda Samarqand shahrida Turkiy davlatlar tashkilotining birinchi sammiti o‘tkazilishi munosabati bilan hududdagi oliy ta’lim muassasalarida tahsil olayotgan talabalarga ta’til berilishi haqida xabarlar tarqalmoqda. Oliy va o‘rta maxsus ta’lim vazirligining ma’lum qilishicha, bu xabarlar asossiz hisoblanadi.
Vazirlik ushbu xabarlar asossiz ekani va o‘sha kunlari Samarqanddagi barcha oliy o‘quv yurtlarida tasdiqlangan o‘quv jadvaliga ko‘ra dars jarayonlari odatdagidek davom etishini ma’lum qiladi, — deyiladi bayonotda.Ma’lumot uchun, 11-noyabr kuni Samarqandda Turkiy davlatlar tashkilotining birinchi sammiti bo‘lib o‘tadi (ushbu oliy darajadagi tadbir 2021-yil Istanbul uchrashuvida tashkilot nomi o‘zgargandan keyingi birinchi sammit hisoblanadi).
Tadbirda 5 ta a’zo mamlakat — O‘zbekiston, Turkiya, Ozarbayjon, Qozog‘iston, Qirg‘iziston hamda 2 ta kuzatuvchi — Turkmaniston va Vengriya mamlakatlari rahbariyati ishtirok etishi kutilmoqda.
Shuningdek, sammitda tashkilot bosh kotibi, Xalqaro turkiy madaniyat tashkiloti (TURKSOY) bosh kotibi, Turkiy tilli davlatlar parlament assambleyasi (TURKPA) bosh kotibi, Xalqaro turkiy akademiya prezidenti v.b., Turkiy meros va madaniyat fondi prezidenti, Turkiy davlatlar tashkiloti Oqsoqollar kengashi raisi ham ishtirok etishi rejalashtirilgan.
Izoh (0)