Namangan viloyati Namangan shahrida 6-oktabr kuni xonadonlarning birida yong‘in sodir bo‘ldi. Bu haqda viloyat Favqulodda vaziyatlar boshqarmasi xabar qildi.
Qayd etilishiha, shu kuni soat 11:03 da Namangan shahar FVBa Yangi Namangan tumani “Istiqbol” mahallasida joylashgan xonadonlarni birida yong‘in sodir bo‘layotgani haqida xabar kelib tushgan.
Xabarga asosan yong‘in joyiga yong‘in qutqaruv ekipajlari yetib borgan. Holat soat 11:57 da to‘liq bartaraf etilgan.
Yong‘in oqibatida yashash uyining shift va tom qismidan 90 kvadrat metr joyi hamda uy-ro‘zg‘or buyumlari, uy egalariga tegishli hujjatlar yonib zararlangan.
Yong‘inda kuyib tan jarohati olganlar yo‘q.
Hozirda holat yuzasidan tergovga qadar surushtiruv ishlari olib borilmoqda.
Izoh (0)