5-noyabr kuni ijtimoiy tarmoqlarda Namangan viloyati Axsikent daxasida daydi it ikki nafar insonni g‘ajigani haqida xabarlar tarqaldi. Viloyat Favqulodda vaziyatlar boshqarmasi holatga munosabat bildirdi.
Qayd etilishicha, hodisa yuzasidan voqea joyiga tegishli mutaxassislar jalb etilib, daydi it ushlangan. Jonivor shahar veterinariya bo‘limiga olib borilib, quturish kasalligi bilan kasallangan yoki kasallanmaganini aniqlash maqsadida 10 kunlik veterinariya nazoratiga olingan.
Jabr ko‘rgan fuqarolar belgilangan tartibda tibbiyot muassasalarida quturish kasalligiga qarshi vaksina bilan bepul emlanishi yo‘lga qo‘yilgan.
Izoh (0)