Ijtimoiy tarmoqlarda “IIB xodimlari fuqaroni rezina tayoq bilan do‘pposlab, mashinaga majburan o‘tqazishmoqda” sarlavhali videoxabar tarqaldi. Holat yuzasidan Farg‘ona viloyati ichki ishlar boshqarmasi o‘rganish olib bordi.
Ma’lum bo‘lishicha, 4-noyabr kuni Quva tumani IIB profilaktika inspektori M.T va S.J. “Pastki Xo‘ja Hasan” MFY hududida fuqaro O.Y. mast holatda jamoat tartibini buzayotganini ko‘rgan. Shaxsiga oydinlik kiritish va mastlik holatini aniqlash uchun tibbiy tekshiruvga borishga taklif qilinganda fuqaro O.Y. IIB xodimlarining qonuniy talablariga bo‘ysunmay, faol qarshilik ko‘rsatgan.
Xodimlar “Ichki ishlar to‘g‘risida”gi qonunning 23-moddasi hamda ichki ishlar vazirining “Ichki ishlar organlari xodimlari tomonidan jismoniy kuch ishlatish, maxsus vositalarni va o‘qotar qurolni qo‘llash tartibi to‘g‘risidagi yo‘riqnomani tasdiqlash haqida”gi 55-sonli buyrug‘i talablaridan kelib chiqib, huquqbuzarlik holatini bartaraf etish uchun O.Y.ga nisbatan maxsus vosita — rezina tayoqdan foydalangan.
Mazkur holat shu kunning o‘zida tegishli tartibda ro‘yxatga olinib, O.Y.ning xatti-harakatlari yuzasidan Ma’muriy javobgarlik to‘g‘risidagi kodeksning 183, 194-moddalariga asosan hujjatlar rasmiylashtirilgan. Fuqaro O.Y. bilan suhbatlashilganda haqiqatan ham o‘sha kuni o‘ta mast holatda bo‘lganini, xodimlarga nisbatan qilgan xatti-harakatlaridan afsusdaligini bildirdi.
Shuningdek, videotasvirdagi IIO xodimlarining xatti-harakatlari yuzasidan xizmat tekshiruvi tayinlangan bo‘lib, yakuniga ko‘ra huquqiy baho beriladi.
Izoh (1)
Rezina bilan ursa kukarmaydida