Qoraqalpog‘istonda tuman hokimi qamoqqa olindi

Qoraqalpog‘istonning Taxiatosh tumani hokimi Ilhom Matkarimov 1-noyabr kuni qamoqqa olindi. Bu haqda Respublika prokuraturasi xabar berdi.

Internetda Taxiatosh tumani hokimi 100 million so‘m pora olgani holati bo‘yicha uning turmush o‘rtog‘i jinoyat ishi bo‘yicha ayblanib, qamoqqa olingani haqida noto‘g‘ri ma’lumotlar tarqatilmoqda, ya’ni bunda hokimning turmush o‘rtog‘i emas, hokimning o‘zi qamoqqa olingan.

Aniqlanishicha, 1-noyabr kuni tuman hokimi Matkarimov fermer xo‘jaligi rahbaridan firibgarlik yo‘li bilan 100 million so‘m pul olgani holati bo‘yicha Jinoyat kodeksining 168-moddasi (firibgarlik) 3-qismi va 25,211-moddasi (pora berish) 2-qismi bilan jinoyat ishi qo‘zg‘atilgan.

Jinoyat ishi bo‘yicha tergov harakatlari Qoraqalpog‘iston prokuraturasi tomonidan olib borilmoqda. Jinoyat ishi doirasida sobiq tuman hokimi Matkarimovning turmush o‘rtog‘i ayblanmagan va qamoqqa olinmagan.

Mavzuga doir:

• “Termizning sobiq hokimi va uning sheriklari davlat va jamiyat hamda tadbirkorlar manfaatiga 35,6 mlrd so‘m zarar yetkazgan” — Bosh prokuratura
• Qarshi shahrining sobiq hokimi yana qamoqqa olindi