Ижтимоий тармоқларда «ИИБ ходимлари фуқарони резина таёқ билан дўппослаб, машинага мажбуран ўтқазишмоқда» сарлавҳали видеохабар тарқалди. Ҳолат юзасидан Фарғона вилояти ички ишлар бошқармаси ўрганиш олиб борди.
Маълум бўлишича, 4 ноябрь куни Қува тумани ИИБ профилактика инспектори М.Т ва С.Ж. «Пастки Хўжа Ҳасан» МФЙ ҳудудида фуқаро О.Й. маст ҳолатда жамоат тартибини бузаётганини кўрган. Шахсига ойдинлик киритиш ва мастлик ҳолатини аниқлаш учун тиббий текширувга боришга таклиф қилинганда фуқаро О.Й. ИИБ ходимларининг қонуний талабларига бўйсунмай, фаол қаршилик кўрсатган.
Ходимлар «Ички ишлар тўғрисида»ги қонуннинг 23-моддаси ҳамда ички ишлар вазирининг «Ички ишлар органлари ходимлари томонидан жисмоний куч ишлатиш, махсус воситаларни ва ўқотар қуролни қўллаш тартиби тўғрисидаги йўриқномани тасдиқлаш ҳақида»ги 55-сонли буйруғи талабларидан келиб чиқиб, ҳуқуқбузарлик ҳолатини бартараф этиш учун О.Й.га нисбатан махсус восита — резина таёқдан фойдаланган.
Мазкур ҳолат шу куннинг ўзида тегишли тартибда рўйхатга олиниб, О.Й.нинг хатти-ҳаракатлари юзасидан Маъмурий жавобгарлик тўғрисидаги кодекснинг 183, 194-моддаларига асосан ҳужжатлар расмийлаштирилган. Фуқаро О.Й. билан суҳбатлашилганда ҳақиқатан ҳам ўша куни ўта маст ҳолатда бўлганини, ходимларга нисбатан қилган хатти-ҳаракатларидан афсусдалигини билдирди.
Шунингдек, видеотасвирдаги ИИО ходимларининг хатти-ҳаракатлари юзасидан хизмат текшируви тайинланган бўлиб, якунига кўра ҳуқуқий баҳо берилади.
Изоҳ (1)
Rezina bilan ursa kukarmaydida