Қорақалпоғистоннинг Тахиатош тумани ҳокими Илҳом Маткаримов 1 ноябрь куни қамоққа олинди. Бу ҳақда Республика прокуратураси хабар берди.
Интернетда Тахиатош тумани ҳокими 100 миллион сўм пора олгани ҳолати бўйича унинг турмуш ўртоғи жиноят иши бўйича айбланиб, қамоққа олингани ҳақида нотўғри маълумотлар тарқатилмоқда, яъни бунда ҳокимнинг турмуш ўртоғи эмас, ҳокимнинг ўзи қамоққа олинган.
Аниқланишича, 1 ноябрь куни туман ҳокими Маткаримов фермер хўжалиги раҳбаридан фирибгарлик йўли билан 100 миллион сўм пул олгани ҳолати бўйича Жиноят кодексининг 168-моддаси (фирибгарлик) 3-қисми ва 25,211-моддаси (пора бериш) 2-қисми билан жиноят иши қўзғатилган.
Жиноят иши бўйича тергов ҳаракатлари Қорақалпоғистон прокуратураси томонидан олиб борилмоқда. Жиноят иши доирасида собиқ туман ҳокими Маткаримовнинг турмуш ўртоғи айбланмаган ва қамоққа олинмаган.
Мавзуга доир:
Изоҳ (0)