Jizzax viloyati G‘allaorol tumanidan o‘tuvchi M-39 avtomagistral yo‘l bo‘yidagi 30 ga yaqin daraxtlar kesib ketildi.
Jizzax viloyati ekologiya va atrof-muhitni muhofaza qilish boshqarmasining xabar qilishicha, 25-oktabrdan 26-oktabrga o‘tar kechasi O‘rmon xo‘jaligiga qarashli bo‘lgan ushbu hududdan noma’lum shaxslar tomonidan 26 tup qayrag‘och va o‘rik daraxti kesib ketilgan.
Holat yuzasidan dastlabki hujjatlar rasmiylashtirilib, G‘allaorol tumani Ichki ishlar bo‘limiga taqdim etilgan.
Hozirda daraxtni kesganlarning shaxsini aniqlash va holatga qonuniy baho berish yuzasidan tergovga qadar surishtiruv ishlari olib borilmoqda.
Mavzuga doir: O‘zbekistonda “Yashil makon” loyihasi doirasida yil yakuniga qadar 75 mln dona ko‘chat ekiladi
Izoh (0)