Ukraina poytaxti — Kiyev meri Vitaliy Klichko elektr quvvati yukini kamaytirish maqsadida 2-noyabrdan boshlab shahardagi trolleybus yo‘nalishlarida avtobuslar harakatlanishini ma’lum qildi.
Ertadan, 2-noyabrdan boshlab poytaxtning barcha trolleybus yo‘nalishlarida avtobuslar harakatlanadi. Biz buni energiya tizimidagi yukni kamaytirish va elektr energiyasini tejash maqsadida qilyapmiz, — deb yozadi Klichko o‘zining Telegram kanalida.
Shahar meri, shuningdek, agar shaharda suv va elektr ta’minoti butunlay yo‘qolsa, Kiyevda aholi uchun mingdan ortiq issiqlik punktlarini ishga tushirishga tayyorligini ma’lum qildi.
10-oktabrdan boshlab Rossiya Ukrainadagi energetika obyektlariga raketa zarbalarini berishni boshladi. 28-oktabr kuni Vitaliy Klichko Kiyevda elektr energiyasi taqchilligi 50 foizga yetganini aytgandi.
Avvalroq Ukrainaning eng boy odami Rossiyaga qarshi Yevropa sudiga da’vo arizasi bilan murojaat qilgani haqida xabar berilgandi.