Statistikaga ko‘ra, dunyo aholisining 11 foizi ochlikdan aziyat chekadi. Bu borada O‘zbekistonda ahvol qandayligi haqida Iqtisodiy tadqiqotlar va islohotlar markazi xabar bermoqda.
O‘zbekiston aholisining o‘rtacha kunlik kaloriyasi qancha, uning miqdori minimal talablar darajasidami?
O‘zbekistonda kunlik minimal kaloriya talabi 1 838 kkalni tashkil etadi. Bu talab butun dunyoda 1 828 kkal, Yevropada esa 1 941 kkalga teng.
2021-yil yakuni bo‘yicha FAOning “Dunyoda oziq-ovqat xavfsizligi va oziqlanishning holati” nomli hisobot ma’lumotlariga ko‘ra, O‘zbekistonda 2018—2020-yillarda umumiy aholining 2,5 foizga yaqini to‘yib ovqatlanmagan.
Bu ko‘rsatkich Yevropa raqamlari bilan bir xil bo‘lib, butun dunyoda 8,9 foiz, Afrikada 19 foiz, Markaziy Osiyoda esa 3,2 foizni tashkil etadi.
Xalq kunlik kaloriyani qanday mahsulotlardan ko‘proq oladi?
Aholi o‘rtasida o‘rganishlar shuni ko‘rsatdiki, qishloq aholisining haqiqiy kaloriyasi jahon statistik ko‘rsatkichlaridan pastroq.
Bundan tashqari, xalq meva-sabzavot, sut va go‘sht mahsulotlaridan olinadigan kaloriyalarni me’yordan kamroq iste’mol qilib, ularning o‘rnini yog‘-moy mahsulotlari, guruch, shakar va non mahsulotlari bilan to‘ldirishayotganliklari aniqlandi.
Avvalroq Hindiston shakar eksportiga taqiqni bir yilga uzaytirgani va buning O‘zbekistonga ta’siri qandayligi haqida xabar berilgandi.
Izoh (0)