O‘zbekistonda 2022-yilning oktabr oyida uy-joylarni ijaraga berish xizmatlari narxi sentabr oyiga nisbatanб ya’ni bir oyda o‘rtacha 16,1 foizga oshgan. Bu haqda Davlat statistika qo‘mitasi matbuot xizmati xabar bermoqda.
Uylarni ijaraga berish xizmatlari narxlari yil boshidan buyon o‘rtacha 20,9 foizga oshgani kuzatilgan. Bu borada yillik nisbatda o‘sish ko‘rsatkichi 24,2 foizga yetgan.
Oktabr oyida eng yuqori o‘sish Toshkent shahrida qayd etilgan — 51,6 foiz. Eng past o‘sish 1 foiz bilan Xorazm viloyatida kuzatilgan.
Bunga nima sabab bo‘lmoqda?
Rossiyada harbiy safarbarlik e’lon qilingandan so‘ng 700 mingga yaqin odam mamlakatni tark etgan.
O‘zbekistonga ham 2022-yilning 9 oyi davomida 318 156 nafar Rossiya fuqarosi kirib kelgan. Ularning 210 ming 902 nafarini erkaklar, 107 ming 254 nafarini ayollar tashkil qiladi.
O‘zbekistonga ko‘chib kelgan rossiyaliklarning katta qismi Toshkentdan kvartira ijaraga olmoqda. Buning ortidan ijara uylariga nisbatan talab keskin oshib ketdi.
Izoh (0)