Украина пойтахти — Киев мэри Виталий Кличко электр қуввати юкини камайтириш мақсадида 2 ноябрдан бошлаб шаҳардаги троллейбус йўналишларида автобуслар ҳаракатланишини маълум қилди.
Эртадан, 2 ноябрдан бошлаб пойтахтнинг барча троллейбус йўналишларида автобуслар ҳаракатланади. Биз буни энергия тизимидаги юкни камайтириш ва электр энергиясини тежаш мақсадида қиляпмиз, — деб ёзади Кличко ўзининг Telegram каналида.
Шаҳар мэри, шунингдек, агар шаҳарда сув ва электр таъминоти бутунлай йўқолса, Киевда аҳоли учун мингдан ортиқ иссиқлик пунктларини ишга туширишга тайёрлигини маълум қилди.
10 октябрдан бошлаб Россия Украинадаги энергетика объектларига ракета зарбаларини беришни бошлади. 28 октябрь куни Виталий Кличко Киевда электр энергияси тақчиллиги 50 фоизга етганини айтганди.
Аввалроқ Украинанинг энг бой одами Россияга қарши Европа судига даъво аризаси билан мурожаат қилгани ҳақида хабар берилганди.
Изоҳ (0)