Kiyevliklar yana metroda jon saqlamoqda. Ukraina harbiylari Belarus bilan chegarada patrullik qilmoqda. Urushning 250-kunidan fotoreportaj

31-oktabrga o‘tar kechasi va ertalab Ukraina viloyatlari ketma-ket zarbaga uchradi. Ukraina rasmiylariga ko‘ra, 10 ta viloyatdagi 18 ta muhim infratuzilma obyekti zarar ko‘rgan. Ukrainaning yetti viloyatidagi yuzlab aholi punktlari elektr energiyasidan uzilgan. Kiyevda iste’molchilarning 80 foizi suv ta’minotidan uzilib qoldi. Vladimir Putinning aytishicha, bu zarbalar 29-oktabr kuni Sevastopolga dronlardan qilingan hujumga “qisman” javob bo‘lgan. Putin, shuningdek, Rossiyada safarbarlik yakunlanganini e’lon qildi va bu borada alohida farmon zarurligi to‘g‘risida “huquqshunoslar bilan maslahatlashishga” va’da berdi. Bundan tashqari, Rossiya Bosh shtabi 2022-yilning kuzida harbiy xizmatga chaqirilgan rossiyaliklarni urushga jo‘natmaslikni va’da qildi. Rossiya Mudofaa vazirligi Qora dengizdagi “don yo‘lagi” bo‘ylab kemalar harakati to‘xtatilganini e’lon qildi. Anneksiya qilingan Xerson viloyatida tinch aholini “evakuatsiya qilish” davom etmoqda: odamlarni olib chiqish zonasi Dneprdan 15 kilometrga kengaytiriladi. Meduza urushning 250-kunidan asosiy fotosuratlarni taqdim etdi.

Kiyevning yangidan o‘qqa tutilishi

Ukrainaning Belarus bilan chegarasi yaqinida patrul

Hujum ostidagi Nikolayev viloyati

Ukrainalik harbiylar Bahmutdagi frontda