O‘zbekistonda amaliy tashrif bilan bo‘lib turgan Janubiy Koreyaning Hanjin agrisulture and industry Co.Ltd kompaniyasi rahbari Ju Syon Gu boshchiligidagi delegatsiya Sirdaryo viloyat hokimligida uchrashuv o‘tkazdi, deya xabar bermoqda “Dunyo” axborot agentligi.
Qayd etilishicha, Janubiy koreyalik hamkorlarga viloyatning iqtisodiy va investitsion salohiyati taqdim qilingan.
Uchrashuvda xorijiy kompaniya rahbari Guliston tumanida Janubiy Koreya texnologiyalari asosida loyiha qiymati 10 million dollarga teng “aqlli” issiqxonalar faoliyatini yo‘lga qo‘yish hamda qishloq xo‘jaligi mahsulotlari eksportini amalga oshirishda hamkorlik qilish taklifini bildirgan. Tomonlar ushbu masala yuzasidan o‘zaro kelishuvga erishgan.
Izoh (0)