Toshkent shahrida bo‘lib o‘tayotgan Turkiy davlatlar tashkiloti Transport vazirlari yig‘ilishi doirasida kecha O‘zbekiston va Vengriya aviatsiya ma’muriyatlari o‘rtasida muzokaralar tashkil etildi. Bu haqda Transport vazirligi ma’lum qildi.
Qayd etilishicha, muzokaralar chog‘ida ikki davlat o‘rtasida muntazam havo qatnovini yo‘lga qo‘yish, tayinlangan aviakompaniyalarga parvozlarni amalga oshirish uchun tegishli huquqlarni berish hamda Havo qatnovi to‘g‘risida hukumatlararo bitim loyihasining yakuniy matnini kelishish masalalari muhokama qilingan.
Muzokaralar yakuniga ko‘ra tegishli bayonnoma imzolangan va bitim loyihasining yakuniy matni kelishilgan.
Tomonlar mazkur bitim imzolanishini tezlashtirish bo‘yicha tegishli ishlarni amalga oshirishga kelishib olgan.
Izoh (0)