Hukumat qarori bilan Yengib bo‘lmaydigan kuchlar (fors-major) holatlarini tasdiqlash bo‘yicha davlat xizmatlarini ko‘rsatishning ma’muriy reglamenti tasdiqlandi. Bu haqda Telegram’dagi “Huquqiy axborot” kanali xabar qildi.
Qayd etilishicha, reglament bilan tashqi savdo bitimlari, xalqaro moliya yoki investitsiya kelishuvlari va xalqaro shartnomalar shartlariga muvofiq O‘zbekistonda boshlangan yoki bo‘lib o‘tgan yengib bo‘lmaydigan kuchlar holatlarini tasdiqlash bo‘yicha davlat xizmati ko‘rsatish tartibi belgilangan.
Unga ko‘ra, fors-major holatlari vakolatli shaxsning elektron raqamli imzosi bilan tasdiqlangan hamda QR-kod bilan rasmiylashtiriladigan elektron shakldagi sertifikatni berish orqali tasdiqlanadi.
Talabgorga sertifikat berish yoki berishni rad etish to‘g‘risidagi qaror vakolatlari organ tomonidan so‘rovnoma qabul qilingan kundan boshlab 13 ish kunida qabul qilinadi.
Sertifikat olish uchun talabgor quyidagi hujjatlarni taqdim etadi:
- shartnoma, qo‘shimcha kelishuv hamda ularning spetsifikatsiya nusxalarini;
- shartnoma bo‘yicha bajarilgan majburiyatlarning hajmlarini tasdiqlovchi hujjatlarni.
Sertifikat berish uchun BHMning 90 foizi (270 ming so‘m) miqdorida yig‘im undiriladi.
Sertifikat muddatsiz davrga beriladi.
Izoh (0)