“O‘zbekistonda havosi Toshkentnikidan ham iflosroq shaharlar bor” – iqlimshunos olim

O‘zbekistonda havoning ifloslanishi bo‘yicha Toshkent shahri beshinchi o‘rinda turadi. Bu haqda iqlimshunos Erkin Abdulahatov “Daryo” muxbiriga bergan intervyusida ma’lum qildi.

Erkin Abdulahatovning aytishicha, shaharlar havo sifati xalqaro indeksida O‘zbekistondan faqat Toshkent shahrining keltirilishi texnik imkoniyatlar bilan bog‘liq.

Bizda avtomat statsionar postlar poytaxtdan boshqa hududlarda yo‘q. Shuning uchun IQ Air xalqaro platformasida faqat Toshkent shahridan kelib chiqib reyting tuzilyapti. Toshkent shahri havo ifloslanishi bo‘yicha respublikada birinichi o‘rinda emas. Ikki yoki uchinchi o‘rinda ham emas. Bu shahar beshinchi o‘rinda turadi. Birinchi o‘rinda Farg‘ona, keyin Olmaliq, Angren, Navoiy shaharlari turadi. Birinchi o‘rinda Farg‘ona, keyin Olmaliq, Angren, Navoiy shaharlari turadi. Mazkur shaharlar havo sifati klassik usulda o‘lchangani tufayli u ma’lumotlarni xalqaro platformaga integratsiya qilish imkonsiz

O‘shanda ham menimcha, Toshkent shahri havosining ifloslanishi bo‘yicha respublikada 5-6 o‘rinlarni egallaydi. Bu shahar dunyo bo‘yicha 200 dan ortiq shaharlar ichida oxirgi 5 yil ichida 9 hamda 18-o‘rinda tebranib turadi. Poytaxtda issiq havo harorati kuzatilgan 2019—2021-yillarda, shahar havoning ifloslanishi bo‘yicha dunyodagi kuchli o‘nlikka kirgandi.

Avvalroq AQSHning Havo sifati indeks platformasi reytingi Toshkent shahrining 17-oktabr soat 15:27 holatiga ko‘ra, dunyodagi havosi eng iflos (166 birlik) shahar deya xabar bergandi. O‘sha kuni soat 20:00 holatiga ko‘ra esa poytaxtdagi havoning sifat darajasi 166 birlikdan 262 birlikkacha ortgan va xalqaro o‘lchovda bunday havo juda nosog‘lom va ko‘pchilikning salomatligi uchun juda xavfli ekani keltirilgan.