Samarqand viloyati Jomboy tumanida 31-oktabr kuni “DAF” yuk avtomobili yonib ketdi. Bu haqda Yo‘l harakati xavfsizligi boshqarmasi xabar qildi.
Qayd etilishicha, yo‘l-transport hodisasi shu kuni soat 15:30 larda Jomboy tumani hududidan o‘tuvchi M-39 Toshkent—Samarqand avtomobil yo‘lining 1071-kilometrida sodir bo‘lgan. “DAF” yuk avtomobilining old chap tomon shinasi havo qo‘yib yuborishi oqibatida haydovchi boshqaruvni yo‘qotgan va oldinda ortga qayrilib olish manyovrini bajarayotgan haydovchi boshqaruvidagi “Lada Largus” avtomobiliga to‘qnashgan.
To‘qnashuv oqibatida yuk avtomobilida yong‘in yuzaga kelgan.
4
Yong‘in o‘t o‘chiruvchilar tomonidan bartaraf etilgan. YTH oqibatida “Lada Largus” avtomobilining haydovchisi shifoxonaga olib ketilgan.
Hozirda surishtiruv harakatlari olib borilmoqda.
Izoh (0)