Ishbilarmonlik faolligi indeksi (IFI) 2022-yil sentabr oyida 1147 birlikni tashkil etib, o‘tgan yilning sentabr oyiga nisbatan 14,7 foizga oshgan. Bu haqda “Daryo”ga Iqtisodiy tadqiqotlar va islohotlar markazi xabar berdi.
2022 yilning sentabr oyida Ishbilarmonlik faolligi indeksi o‘tgan yilning moy davriga nisbatan 14,7 foizga oshib, 1147 birlikni tashkil etishi, quyidagi komponentlar darajasidagi o‘zgarishlarga bog‘liq bo‘lgan:
- xo‘jalik yurituvchi subyektlarning bank hisobvaraqalaridagi opreatsiyalar soni 26,7 foizga oshgan;
- faoliyat ko‘rsatayotgan xo‘jalik yurituvchi sub’ektlar bo‘yicha komponent 9,0 foizga oshgan;
- tovar-xom ashyo birjasida xom ashyo sotib olish jadalligi 8,7 foizga oshgan;
- tovar belgilari bo‘yicha komponent 3,3 foizga kamaygan.
Hududlar kesimida Jizzax viloyatida eng yuqori o‘sish sur’ati qayd etilgan.
2022-yil sentabr oyida Ishbilarmonlik faolligi indeksi 12 ta hududda o‘tgan yilning mos davriga nisbatan o‘sish kuzatilgan.
Jizzax (38,1 foiz), Buxoro (36,7 foiz), Sirdaryo (33 foiz), Farg‘ona (31,3 foiz) viloyatlari va Qoraqalpog‘istonda (35,7 foiz) sezilarli darajada o‘sish kuzatilgan.
Shuningdek, ushbu indeks 2 ta hududda kamaygan. Xususan Navoiy (-7,99 foiz) va Surxondaryo (-7,5 foiz) viloyatlarida o‘tgan oyga nisbatan kamayish kuzatilgan.
Izoh (0)