O‘zbekistonda iste’molchilarga to‘langan keshbeklar 514 mlrd so‘mdan oshdi. Bu haqda Davlat soliq qo‘mitasi xabar bermoqda.
Sentabr oyida 1,2 mln nafar iste’molchiga 84,9 mlrd so‘m miqdorida keshbek to‘lab berilgan. Bu iste’molchilar soni va keshbek miqdori bo‘yicha yil boshidan beri eng yuqori ko‘rsatkichdir.
Avgust oyi uchun 788 ming nafar iste’molchiga 80,9 mlrd so‘m keshbek to‘langandi.
Iyul oyida bu ko‘rsatkich 70 mlrd so‘mdan, aprel va iyun oylarida esa 60 mlrd so‘mdan oshgan edi.
Shuningdek, kamchiliklar bartaraf etilishi natijasida — yanvar—avgust oylari uchun yana 3,3 mlrd so‘m keshbek tasdiqlandi.
Yil boshidan buyon 1,45 mln nafar fuqaroga 514 mlrd so‘m keshbek to‘lab berilgan.
Avvalroq Soliq mobil ilovasida yangi imkoniyatlar paydo bo‘lgani haqida xabar berilgan edi.
Izoh (0)