Ишбилармонлик фаоллиги индекси (ИФИ) 2022 йил сентябрь ойида 1147 бирликни ташкил этиб, ўтган йилнинг сентябрь ойига нисбатан 14,7 фоизга ошган. Бу ҳақда «Дарё»га Иқтисодий тадқиқотлар ва ислоҳотлар маркази хабар берди.
2022 йилнинг сентябрь ойида Ишбилармонлик фаоллиги индекси ўтган йилнинг мой даврига нисбатан 14,7 фоизга ошиб, 1147 бирликни ташкил этиши, қуйидаги компонентлар даражасидаги ўзгаришларга боғлиқ бўлган:
- хўжалик юритувчи субъектларнинг банк ҳисобварақаларидаги опреациялар сони 26,7 фоизга ошган;
- фаолият кўрсатаётган хўжалик юритувчи субъэктлар бўйича компонент 9,0 фоизга ошган;
- товар-хом ашё биржасида хом ашё сотиб олиш жадаллиги 8,7 фоизга ошган;
- товар белгилари бўйича компонент 3,3 фоизга камайган.
Ҳудудлар кесимида Жиззах вилоятида энг юқори ўсиш суръати қайд этилган.
2022 йил сентябрь ойида Ишбилармонлик фаоллиги индекси 12 та ҳудудда ўтган йилнинг мос даврига нисбатан ўсиш кузатилган.
Жиззах (38,1 фоиз), Бухоро (36,7 фоиз), Сирдарё (33 фоиз), Фарғона (31,3 фоиз) вилоятлари ва Қорақалпоғистонда (35,7 фоиз) сезиларли даражада ўсиш кузатилган.
Шунингдек, ушбу индекс 2 та ҳудудда камайган. Хусусан Навоий (-7,99 фоиз) ва Сурхондарё (-7,5 фоиз) вилоятларида ўтган ойга нисбатан камайиш кузатилган.
Изоҳ (0)