Germaniyada yillik narxlar 11,6 foizga oshib, yangi rekord o‘rnatildi

2022-yil oktabr oyida Germaniyada Yevropa Ittifoqi standartlari bilan uyg‘unlashtirilgan iste’mol narxlari oktabr oyida yillik ko‘rsatkichda 11,6 foizga o‘sdi. Bu haqda “Interfaks” xabar bermoqda.  

Inflyatsiya sentabr oyidagi 10,9 foizdan tezlashdi va yana o‘zining tarixiy maksimal darajasini yangiladi. Tahlilchilar inflyatsiya o‘rtacha 10,9 foiz darajasida qolishini kutgandi.

Iste’mol narxlarining o‘sishi sentabr oyidagi 2,2 foizdan 1,1 foizgacha pasaydi. Mutaxassislar o‘rtacha 0,5 foiz o‘sishini bashorat qilgandi.

Nemis standartlari bo‘yicha hisoblangan inflyatsiya oktabr oyida yillik hisobda 10,4 foizga tezlashdi — 1951-yil dekabridan beri eng yuqori ko‘rsatkich.

Germaniyadagi inflyatsiya zaif yevro, energiya inqirozi va ta’minot zanjirlarida davom etayotgan muammolar tufayli kuchaymoqda.

Oktabr oyida mamlakatda energiya narxi 43 foizga, oziq-ovqat mahsulotlari narxi 20,3 foizga, xizmatlar narxi esa 4 foizga oshdi.

Germaniyada oktabr oyi uchun inflyatsiya bo‘yicha yakuniy ma’lumotlar 11-noyabrda e’lon qilinadi.

Avvalroq O‘zbekistonda inflyatsiya sentabr oyiga kelib yillik hisobda 12,2 foiz bo‘lgani haqida xabar berilgan edi.